На працягу тыдня ўсе неабыякавыя да роднага слова настаўнікі і вучні размаўлялі па-беларуску (акцыя “Размаўляй са мной па-беларуску”), у 6-9 класах рыхтавалі віншавальныя паштоўкі “Пажаданні роднай мове”, вучні 2, 4, 6, 7 класаў стваралі воблакі слоў “Маё любімае слова па-беларуску”, а 1-4 класы паўдзельнічалі ў марафоне “Мова родная – мова модная” (выкананне беларускіх песень).
“Натхнёныя Бацькаўшчынай” – так можна назваць знакамітых беларусаў, відэасюжэты пра якіх маглі ўбачыць вучні 9-10 класаў на ўроках і пазакласных мерапрыемствах. З задавальненнем 2, 4, 9, 10 класы прынялі ўдзел у акцыі “Чытаем вершы пра родную мову”.
У школьнай бібліятэцы былі арганізаваны выстава вучэбнай літаратуры па беларускай мове “Сэрцам роднага слова краніся” і выстава, прысвечаная знакамітым землякам “Майстры слова”.
Вучні 8 класа завочна наведваліся ў беларускі тэатр. Адбыўся прагляд урыўкаў беларускамоўнай пастаноўкі А.Дударава “Вечар”.
З задавальненнем вучні 5-9 класаў паўдзельнічалі ў гастранамічным фэсце “Беларуская кухня”, а вучні 6, 9,10,11 класаў – у паказе адзення ў традыцыйным стылі “Будзь у трэндзе”.
Для вучняў 3 класа быў прадстаўлен праект “Літаратурная гасцеўня” і мастар-клас “Тчэ, забыўшыся рука”, які правяла майстар раённага Дома рамёслаў Яфімава Н.
Сярод вучняў 7-11 классаў адбыўся конкурс творчых пісьмовых работ “За што я люблю родную мову”, а пачатковыя класы паўдзельнічалі ў квэст-гульне “Фальклор, фальклор – душа народа”, гульні-падарожжы “Ці ведаеш ты сваю мову?” і гульні па станцыях “Падарожжа па Беларусі”.
Завяршыўся тыдзень стартам творчай акцыі “Чытаем Максіма Танка разам”.
фотасправаздача з мерапрыемстваў